На ўзроўні B1 кандыдаты павінны валодаць дастатковым наборам моўных сродкаў, каб, выкарыстоўваючы перафразаванні і пэўныя спрашчэнні, выказваць свае думкі. Яны павінны ўмець пісаць ясныя, лаканічныя тэксты на розныя тэмы, якія іх цікавяць, адносна дакладна перадаваць інфармацыю і выказваць меркаванні па абстрактных, канкрэтных і культурных тэмах. Яны могуць апісваць вопыт, пачуцці, падзеі з неабходнымі дэталямі, а таксама адносна свабодна падсумоўваць назіранні і ў простай форме абгрунтоўваць свой пункт гледжання на сабраныя звесткі, якія тычацца тыповых і нетыповых дзеянняў і падзей – перш за ўсё ў сваёй спецыяльнасці.

Кандыдаты павінны ўмець:
- складаць звязныя тэксты, цалкам зразумелыя, якія таксама павінны адпавядаць фармальным патрабаванням жанру (гл. Стандарты экзаменацыйных патрабаванняў, тыпы тэкстаў),
- выказвацца на тэмы, уключаныя ў тэматычны спіс (гл. Стандарты экзаменацыйных патрабаванняў, каталог),
- выказваць намеры, вызначаныя спісам функцый і моўных паняццяў (гл. Стандарты экзаменацыйных патрабаванняў),
- выкарыстоўваць формы выказвання ў нейтральным рэгістры і дэманстраваць веды афіцыйнага і неафіцыйнага стылю ў адпаведнасці з сітуацыяй (ESOKJ, с. 107–108).

На ўзроўні B1 арфаграфія і пунктуацыя павінны быць настолькі правільнымі, каб чытач не сутыкаўся з істотнымі цяжкасцямі ў разуменні, а почырк кандыдатаў павінен быць ч ы т а л ь н ы м і адпавядаць польскім нормам.